దేశంలో మొదటిసారి అగ్రివోల్టాయిక్స్ రాక!! అసలు ఏంటిది?

దేశంలో తొలిసారిగా ఉత్తరప్రదేశ్ ప్రభుత్వం అగ్రివోల్టాయిక్స్ ప్రాజెక్ట్‌ను ప్రారంభించింది. ఈ వినూత్న విధానంలో వ్యవసాయ భూమిలోనే సౌరశక్తిని ఉత్పత్తి చేసి, రైతులకు అదనపు ఆదాయాన్ని అందించడంతో పాటు నీటి వినియోగాన్ని తగ్గించనున్నారు.

అగ్రివోల్టాయిక్స్ అంటే ఏమిటి?

• అగ్రివోల్టాయిక్స్ అనేది సౌరప్యానెల్స్‌ను పంట పొలాలలో ఎత్తుగా అమర్చి, విద్యుత్ ఉత్పత్తి చేయడంతో పాటు పంటల పెరుగుదలను ప్రోత్సహించే మోడల్.
• సౌరప్యానెల్స్ పంటలకు తగినంత నీడను కల్పించి, అధిక వేడి ప్రభావాన్ని తగ్గిస్తాయి.
  
  
• ఈ విధానం వల్ల నీరు ఆవిరి అవ్వడం తగ్గి, నీటి వినియోగం కూడా క్రమంగా తగ్గుతుంది.
  
  

రైతులకు కలిగే ప్రయోజనాలు

రైతులు పంట సాగుచేస్తూనే సౌరశక్తి ఉత్పత్తి ద్వారా అదనపు ఆదాయాన్ని పొందగలరు.

ఈ విధానం వల్ల వాతావరణ మార్పుల ప్రభావాన్ని తగ్గించుకోవచ్చు.

ప్రాంతాలలో విద్యుత్ సమస్య ఉన్న రైతులకు ఇది సుస్థిరమైన ప్రత్యామ్నాయంగా మారుతుంది.

ఉత్తరప్రదేశ్ ముందడుగు

దేశంలో మొదటిసారి ఈ ప్రాజెక్ట్‌ను ఉత్తరప్రదేశ్ ప్రభుత్వం అమలు చేస్తోంది. ఆర్థిక మంత్రిత్వ శాఖలోని ఆర్థిక వ్యవహారాల విభాగం (DEA) ఈ ప్రాజెక్ట్‌కు సాంకేతిక సహాయం మంజూరు చేసింది. ఈ ప్రాజెక్ట్ ద్వారా రాష్ట్రంలో భూసముపాయాన్ని సమర్థంగా ఉపయోగించుకోవచ్చు.

ప్రభుత్వ మద్దతు & పెట్టుబడులు

• ఒక మెగావాట్ అగ్రివోల్టాయిక్స్ ప్రాజెక్ట్ ఏర్పాటుకు సుమారు రూ. 50 కోట్లు ఖర్చు అవుతుంది.
  
  
• ప్రధాన్ మంత్రి కిసాన్ ఊర్జా సురక్షా ఏవం ఉత్తాన్ మహాభియాన్ (PM-KUSUM) కింద 30% వరకు నిధులు ప్రభుత్వం అందిస్తోంది.
  
  
• మిగిలిన 70% నిధులను బ్యాంకు రుణాల ద్వారా పొందే వీలుంది.

వనరుల సమర్థ వినియోగానికి కొత్త మార్గం

ఈ కొత్త వ్యవస్థతో వ్యవసాయ భూమిని అత్యుత్తమంగా వినియోగించుకోవచ్చు. పంటల పెరుగుదల, నీటి సంరక్షణ, వాతావరణ అనుకూలత, అదనపు ఆదాయం వంటి అనేక ప్రయోజనాలతో అగ్రివోల్టాయిక్స్ వ్యవసాయ రంగంలో కొత్త దిశను సూచించనుంది.