ముప్పై డిగ్రీల ఉష్ణోగ్రతలతో మండుతున్న వేసవిలో అకస్మాత్తుగా కురిసిన అకాల వర్షాలు(unseasonal rains Andhra Pradesh) రాష్ట్రవ్యాప్తంగా అన్నదాతల జీవితాలను అతలాకుతలం చేశాయి. మామిడి, అరటి, ధాన్యం, మొక్కజొన్న, కర్బూజ, చెరకు, మిరప వంటి పంటలు తీవ్రంగా దెబ్బతిన్నాయి. కోతకు సిద్ధంగా ఉన్న పంటలు నేలకొరిగాయి. రైతులు లక్షలాది రూపాయల పెట్టుబడిని కోల్పోయారు (farmer investment loss).
AP లో రాష్ట్రవ్యాప్తంగా విస్తృత నష్టం(crop loss AP 2025)
గురువారం రాత్రి నుంచి శుక్రవారం తెల్లవారుజాము వరకు రాష్ట్రంలో 12 ప్రాంతాల్లో భారీ వర్షాలు కురిశాయి. నంద్యాల జిల్లా మద్దూరు (rainfall in Nandyal), ప్రకాశం జిల్లా రాళ్లపల్లిలో అత్యధికంగా 111.5 మి.మీ వర్షపాతం నమోదవగా, కడప, శ్రీసత్యసాయి జిల్లాల్లోనూ వర్షం తీవ్రత ఎక్కువగానే కనిపించింది. 23 ప్రాంతాల్లో 50 మిల్లీమీటర్లకు పైగా వర్షాలు కురిసినట్లు వాతావరణ శాఖ పేర్కొంది.
అనంతపురంలో అల్లకల్లోలం
అనంతపురం జిల్లాలో గాలివాన, వడగళ్ల వానలతో రైతులకు రూ.2.15 కోట్లకు పైగా నష్టం వాటిల్లింది. తాడిపత్రి, గార్లదిన్నె, బుక్కరాయసముద్రం తదితర మండలాల్లో 55 మంది రైతుల 60.77 హెక్టార్లలో రూ.1.24 కోట్ల ఉద్యాన పంటలు దెబ్బతిన్నాయి. అరటి, కర్బూజ, కళింగర (పుచ్చకాయ) పంటలే ప్రధానంగా నష్టపోయాయి. మరోవైపు, మొక్కజొన్న, వరి పంటలతో కూడిన 114 హెక్టార్లలో రూ.91.84 లక్షల నష్టం నమోదైంది. జిల్లాలో 30 మండలాల్లో వర్షం కురిసింది. అత్యధికంగా శింగనమలలో 70.4 మి.మీ వర్షం పడింది(Andhra crop disaster).
కృష్ణా జిల్లాలో మామిడి తోటలకు గట్టి దెబ్బ
విజయవాడ రూరల్ మండలంలో గాలివాన తీవ్రతతో మామిడి తోటలు విపరీతంగా నష్టపోయాయి. ఇప్పుడిప్పుడే కాయల దశకు చేరుకున్న మామిడికాయలు గాలివానకు రాలిపోవడంతో రైతులు తీవ్ర ఆందోళన చెందుతున్నారు. రూరల్ మండలంలో 50 ఎకరాల్లో మామిడి తోటలు దెబ్బతినగా, పది శాతం కాయలు నేలకొరిగాయని ఉద్యాన శాఖ అధికారులు తెలిపారు.
ధాన్యం తడిసిపోయిన దుస్థితి
విజయవాడ, జి.కొండూరు మండలాల్లో ఆరబోసిన ధాన్యం తడిసి ముద్దయింది. విజయవాడ నగరంలో రహదారులపై నీరు నిలిచిపోయి ట్రాఫిక్‌కు అంతరాయం కలిగింది. జి.కొండూరులో అకాలంగా జరిగిన వాతావరణ మార్పుల (monsoon before time) వల్ల మిర్చి పంటలు తడవడంతో రైతులకు స్వల్ప నష్టం వాటిల్లింది.
వాతావరణ సూచనలు – మళ్లీ వానలు!
రానున్న మూడు రోజుల్లో పిడుగులతో కూడిన వర్షాలు పడే అవకాశముందని (unexpected weather damage) విపత్తుల నిర్వహణ సంస్థ హెచ్చరించింది. శనివారం అల్లూరి, కాకినాడ, తూర్పుగోదావరి, చిత్తూరు జిల్లాల్లో తేలికపాటి వర్షాలు, ఆదివారం ఉత్తరాంధ్రలో కొన్ని చోట్ల మోస్తరు వర్షాలు, సోమవారం పిడుగులతో కూడిన వర్షాలు కురిసే అవకాశం ఉందని తెలిపింది.
ప్రభుత్వం స్పందించాల్సిన సమయం ఇది!
ఈ విధ్వంసంతో ఇప్పటికే అప్పుల ఊబిలో ఉన్న రైతులు మరింత దిగజారే పరిస్థితి కనిపిస్తోంది. ప్రభుత్వ సహాయ చర్యలు వేగంగా ప్రారంభించకపోతే, రైతుల నష్టం భరించలేనిది అవుతుంది. పంటల సర్వే తక్షణమే చేపట్టి, నష్టపోయిన రైతులకు పరిహారం చెల్లించాలన్నది ఇప్పుడు అత్యవసరమైన డిమాండ్.
మరింత ఆంధ్రప్రదేశ్ వ్యవసాయ సమాచారం కోసం (agriculture news AP).....
Read More:
Share your comments