ఇండియాలో భూమిలేని వ్యవసాయం: ఇంట్లోనే ఐదు లాభదాయక వ్యవసాయ మార్గాలు

ఒకప్పుడు భూమి లేకుండా వ్యవసాయం అనేది ఊహించలేని విషయం. కానీ నేడు, ఈ మార్గం కేవలం ఊహ మాత్రమే కాదు, నగరాల బేస్‌మెంట్లు, ఇంటి పైకప్పులు, గ్యారేజీలు అన్నింటిలోనూ పంటలు పండించగలుగుతున్నారు. ఈ మార్పులకు కారణం ఏమిటి? ఈ విధానం ఎలా సాధ్యమవుతోంది? ఇవే ఈ కథనంలో విశ్లేషించబోతున్నాం.

భూమిలేని వ్యవసాయానికి బలమైన నేపథ్యం (Urban farming without land)

భారీ పారిశ్రామీకరణ, గ్రామీణ ప్రాంతాల అభివృద్ధిలో తేడాలు, ఉపాధిలో మార్పులు ఈ మార్పుకు కారణమయ్యాయి. వ్యవసాయ రంగం దేశంలోని 45% మందికి ఉపాధి కలిగిస్తున్నప్పటికీ, ఇది దేశ GVAలో కేవలం 16% మాత్రమే ఇస్తోంది. ఇవే నగరాల్లో స్థిరపడిన జనాలను కొత్త వ్యవసాయ మార్గాలవైపు మళ్లించాయి.

ఇంట్లోనే సాగయ్యే ఐదు లాభదాయక పంటలు (Profitable crops to grow at home)

స్ట్రాబెర్రీ సాగు (Strawberry Farming)

హైడ్రోపోనిక్స్ టెక్నాలజీ ఆధారంగా, నిలువుగా పంటలు సాగు చేసే వ‌ర్టిక‌ల్ ఫార్మింగ్‌లో ఇది అద్భుతంగా పనిచేస్తోంది. ఒక చిన్న గదిలో 1000–2000 మొక్కలు పెంచవచ్చు. 90 రోజుల్లో పంట రాగా, ఏడాదికి మూడు సార్లు పండుతుంది.

• ప్రారంభ వ్యయం: ₹17.6 లక్షలు – ₹29.2 లక్షలు
• నెలసరి వ్యయం: ₹10,000 – ₹20,000
• లాభం: ₹40,000 – ₹75,000

మష్రూమ్ ఫార్మింగ్ (Mushroom Farming)

ఇది ఇండియా పట్టణాల్లో పాతతరమైన ఇంటి వ్యవసాయ మాదిరిగా సాగుతోంది. ఆవశేషాలతో పెంచవచ్చు. అగ్రా వాసులు ఆయుష్, రిషభ్ గుప్తా తమ ‘A3R మష్రూమ్ ఫార్మ్’ ద్వారా నెలకు 40 టన్నులు ఉత్పత్తి చేసి, సంవత్సరానికి ₹7.5 కోట్ల ఆదాయం సంపాదిస్తున్నారు.

• ప్రారంభ వ్యయం: ₹1 లక్ష – ₹3 లక్షలు
• నెలసరి వ్యయం: ₹20,000 – ₹50,000
• లాభం: ₹60,000 – ₹1.5 లక్షలు

Read More: ఎండాకాలం ఈ పుట్టగొడుగులతో 15 రోజుల్లో 4 రెట్లు ఆదాయం!!

రూఫ్‌టాప్ ఫార్మింగ్ (Terrace Farming)

ఇది కేవలం హాబీ కాదు, ఒక మంచి ఆదాయ మార్గం కూడా. ఆర్గానిక్ సర్టిఫికేషన్‌తో పాటు, కొన్ని ప్రభుత్వ స్కీముల ద్వారా సబ్సిడీ పొందవచ్చు. బీహార్ ప్రభుత్వం “గమ్లా స్కీమ్” ద్వారా ₹7500 సబ్సిడీ ఇస్తోంది.

• ప్రారంభ వ్యయం: ₹50,000 – ₹2 లక్షలు
• నెలసరి వ్యయం: ₹10,000 – ₹30,000
• లాభం: ₹30,000 – ₹1 లక్ష
  
  

మైక్రోగ్రీన్ ఫార్మింగ్ (Microgreen Farming)

ఈ పంటలు 7–21 రోజుల్లోనే తీయవచ్చు. అధిక పోషక విలువలు కలిగి ఉండటంతో మార్కెట్లో డిమాండ్ ఉంది. హైడ్రోపోనిక్స్/ఆక్వాపోనిక్స్ ఆధారంగా సాగుతుంది.

• ప్రారంభ వ్యయం: ₹20,000 – ₹1 లక్ష
• నెలసరి వ్యయం: ₹5,000 – ₹15,000
• లాభం: ₹25,000 – ₹75,000

అలోవెరా & సక్క్యులెంట్స్ సాగు (Aloe & Succulents Farming)

ఫుడ్ ప్రాసెసింగ్, ఫార్మా, కాస్మెటిక్స్ రంగాల్లో అలోవెరాకు డిమాండ్ ఎక్కువ. సక్క్యులెంట్స్ అలంకరణ కోసం విస్తృతంగా వాడుతున్నారు. ఇది శిక్షణ లేకుండానే ప్రారంభించవచ్చు.

• ప్రారంభ వ్యయం: ₹30,000 – ₹1.5 లక్షలు
• నెలసరి వ్యయం: ₹5,000 – ₹15,000
• లాభం: ₹20,000 – ₹1 లక్ష

ఇంట్లో ఉండే స్థలాన్ని, అవగాహనను సద్వినియోగం చేసుకుంటే వ్యవసాయ రంగంలో మంచి ఆదాయం పొందవచ్చు. చిన్న పెట్టుబడులతో ప్రారంభించగల ఈ ఇంటి వ్యవసాయ పద్ధతులు, మీలోని రైతన్నకు కొత్త ఊపును ఇస్తాయి. పర్యావరణానికి మేలు చేస్తూనే ఆదాయాన్ని కూడా అందించే వీటి వైపు యువత, ఉద్యోగస్తులు, మహిళలు కూడా అడుగులు వేస్తున్నారు.

Read More:

గిరిజన రైతుల ఆర్గానిక్ ఉత్పత్తులకు అంతర్జాతీయ మార్కెట్‌! మరింత అభివృద్ధికి ఇండస్ట్రియల్ పార్కులు!!

98% ఆయిల్ పామ్ ఉత్పత్తి: తెలుగు రాష్ట్రాల ఆధిపత్యం! 90 శాతం సబ్సిడీతో మొక్కలు