ఆయుష్మాన్ భారత్ హెల్త్ అకౌంట్ ప్రయోజనాలు మరియు అకౌంట్ కోసం ఎలా దరఖాస్తు చేయాలి అనే విషయాలు తెలుసుకోండి.
ఆయుష్మాన్ భారత్ హెల్త్ అకౌంట్ (ABHA), దీనిని ఇంతకు ముందు ఆయుష్మాన్ భారత్ హెల్త్ అని పిలిచేవారు, ఇది 2021లో భారత ప్రభుత్వం ప్రారంభించింది ప్రజలకు డిజిటల్ హెల్త్ IDని అందించడం లక్ష్యంగా పెట్టుకుంది.
ఇది ఆరోగ్య మరియు కుటుంబ సంక్షేమ మంత్రిత్వ శాఖలో భాగమైన నేషనల్ హెల్త్ అథారిటీ (NHA) ద్వారా ప్రారంభించబడింది. ప్రభుత్వం ప్రకారం, ABHA అనేది "మీకు మరియు మీ కుటుంబానికి సురక్షితమైన మరియు డిజిటల్ ఆరోగ్య రికార్డులను రూపొందించే దిశగా మొదటి అడుగు."
ఆయుష్మాన్ భారత్ హెల్త్ అకౌంట్ అంటే ఏమిటి?
ఆయుష్మాన్ భారత్ హెల్త్ అకౌంట్ అనేది 14-అంకెల గుర్తింపు సంఖ్యను ఉపయోగించే ఒక ప్రత్యేకమైన ఆరోగ్య ID. ఆధార్ కార్డ్ మరియు మీ మొబైల్ నంబర్‌ని ఉపయోగించి దీని ఖాతాని తెరవచ్చు. ఇది వినియోగదారులు తమ ఆరోగ్య రికార్డులను ఆసుపత్రులు, క్లినిక్‌లు, బీమా ప్రొవైడర్లు మరియు ఇతరులతో డిజిటల్‌గా పంచుకోవడానికి అనుమతిస్తుంది. వినియోగదారులు హెల్త్ అకౌంట్ ని ఎటువంటి ఖర్చు లేకుండా తెరవచ్చు.
ప్రయోజనాలు:
ల్యాబ్ రిపోర్టులు, ప్రిస్క్రిప్షన్‌లు మరియు డయాగ్నసిస్ వంటి మీ అన్ని మెడికల్ రికార్డ్‌లను యాక్సెస్ చేయవచ్చు.ఇది మీరు వేరే నగరం లేదా రాష్ట్రంలో ఉన్నప్పటికీ మీ వైద్య రికార్డులను సమర్పించడాన్ని సులభతరం చేస్తుంది.ఈ ఖాతాలో మీ హెల్త్ రికార్డులు అన్ని డిజిటల్ రూపంలో ఉంటాయి.
దరఖాస్తు చేయడం ఎలా?
ఆధార్ కార్డు (లేదా) డ్రైవింగ్ లైసెన్సు మరియు మొబైల్ నంబర్ ద్వారా ఆయుష్మాన్ భారత్ హెల్త్ అకౌంట్ ఖాతా తెరవొచ్చు. ఇందుకోసం abha వెబ్ సైట్ కు వెళ్లాలి. create abha number అనే ఆప్షన్ ఎంపిక చేసుకోవాలి. తర్వాత ‘జనరేట్ వయా ఆధార్’ లేక డ్రైవింగ్ లైసెన్సు ను సెలక్ట్ చేసుకోవాలి. అక్కడ ఆధార్ నంబర్ ను లేదా డ్రైవింగ్ లైసెన్సు నెంబర్ నమోదు చేసాక మీ మొబైల్ నెంబర్ కి వచ్చే otp ని నమోదు చేసి ఖాతాని తెరవచ్చు.
మరిన్ని చదవండి.
Share your comments