నిమ్మగడ్డి సాగుతో రైతులకు లక్షల లాభం: తక్కువ పెట్టుబడిలో అధిక ఆదాయం

తెలంగాణ, చత్తీస్‌గఢ్ లాంటి రాష్ట్రాల్లో ప్రకృతి ఆధారిత వ్యవసాయం కొనసాగుతుండగా, నూతన మార్గాల కోసం వెదుకుతున్న రైతులకు "నిమ్మగడ్డి" ఒక ఉత్తమ ప్రత్యామ్నాయంగా నిలుస్తోంది (Citronella grass farming India). అధిక నీటి అవసరం లేని, తక్కువ పెట్టుబడి తో అధిక ఆదాయం ఇచ్చే ఈ పంట ఇప్పుడు పల్లె రైతులకు ఊహించని ఆదాయాన్ని అందిస్తోంది. గడ్డి మాత్రమే కాదు – దీనినుంచి తయారయ్యే నూనెకు దేశవిదేశాల్లో గిరాకీ ఉండడంతో దీని వ్యాపార విలువ మరింత పెరిగింది.

నిమ్మగడ్డి సాగు (Nimmagaddi- Lemon Grass cultivation Telangana)

నిమ్మగడ్డి (Lemongrass), శాస్త్రీయంగా సింబోపోగాన్ సిట్రాటస్(Cymbopogon citratus) అని పిలవబడుతుంది. ఇది పోయేసీ (Poaceae) కుటుంబానికి చెందిన తొందరగా పెరిగే మొక్క. దీని ఆకులు పొడవుగా, పదునుగా, కొంచెం మందంగా  ఉండే రైజోమ్ ప్రాంతం నుండి పెరుగుతాయి. నిమ్మగడ్డికి ప్రత్యేకమైన నిమ్మ రుచి, సుగంధం ఉండే నూనె ఉంది – దీని వల్లే దీన్ని ఔషధ, సౌందర్య మరియు వంట సామగ్రిగా విస్తృతంగా వాడుతుంటారు.

సాగు ప్రాంతాలు – భూమి ఎంపిక

నిమ్మగడ్డి పంటకు అధిక వర్షపాతం లేని ప్రాంతాలు అనుకూలం. నీటి పీహెచ్ స్థాయి 5.5 నుంచి 7.5 మధ్య ఉండటం మంచిది. మట్టిలో డ్రైనేజ్ సరిగా ఉండాలి. ఇసుక నేలల్లోనూ, ఎరువులు తక్కువగా ఉన్న నేలల్లోనూ నిమ్మగడ్డి బాగా పెరుగుతుంది.

సాగు మార్గం – మెళకువలు

• విత్తనాలు/రైజోమ్ కటింగ్స్ ద్వారా నాటవచ్చు.
• ఒక ఎకరానికి 15,000 – 20,000 మొక్కలు అవసరం.
  
  
• వరుసల మధ్య 40–50 సెం.మీ., మొక్కల మధ్య 30 సెం.మీ. ఖాళీ ఉండేలా నాటాలి.
  
  
• వారం లేదా పదిరోజులకు ఒకసారి నీరు పోస్తే సరిపోతుంది.
  
  
• ఎరువులు అవసరం లేకుండా సేంద్రియంగా సాగు చేయవచ్చు (Organic profitable crops India).
  
  

దిగుబడి – ఆదాయం

నిమ్మగడ్డి ఒక్కసారి నాటితే 5–6 సంవత్సరాల పాటు దిగుబడి ఇస్తుంది. సంవత్సరానికి 3–4 సార్లు కోత పెట్టవచ్చు. ఒక ఎకరానికి 100–150 లీటర్లు నిమ్మనూనె వస్తుంది. ప్రస్తుతం మార్కెట్‌లో దీని ధర రూ.1000–2000 లీటర్‌ దాకా ఉంది. అంటే సంవత్సరానికి రూ.3 లక్షల నుంచి రూ.5 లక్షల వరకు ఆదాయం పొందే అవకాశం ఉంది.

చట్టీ ప్రాంతాల్లో విజయవంతమైన ప్రయోగం

చత్తీస్‌గఢ్‌లోని దెయూర్బేల గ్రామం నిమ్మగడ్డి సాగుతో తమ గ్రామ ఆర్థిక స్థితిని మార్చుకున్న ఉదాహరణగా నిలిచింది. ఇది ఒక ప్రైవేట్ ప్రోగ్రాం ద్వారా ప్రయోగాత్మకంగా ప్రవేశపెట్టబడిన పథకం. అక్కడి గిరిజన రైతులు ఇప్పుడు తక్కువ ఖర్చుతో అధిక ఆదాయం (High profit crops for farmers) సంపాదిస్తూ ఆత్మనిర్భరంగా మారుతున్నారు.

ప్రత్యేకతలు – రైతుకు ప్రయోజనాలు

• అడవి జంతువుల నుండి రక్షణ
  
  
• తక్కువ నీటి అవసరం
  
  
• ఏకకాలంలో ఔషధ, వాణిజ్య ఉపయోగం
  
  
• మార్కెట్ డిమాండ్ అధికం (Profitable farming business India)
  
  
• తక్కువ పెట్టుబడిలో అధిక ఆదాయం (Best cash crops low water requirement)

పరిశ్రమల డిమాండ్ – మార్కెట్ నెట్‌వర్క్

నిమ్మనూనెను సబ్బులు, ఆయిల్స్, అరోమా థెరపీ, ఔషధాలు, సౌందర్య సాధనాల్లో విస్తృతంగా వాడుతున్నారు. దేశీయంగా మాత్రమే కాకుండా విదేశాల్లోనూ డిమాండ్ పెరుగుతోంది (Citronella oil market demand). దేశ ప్రధానమంత్రి నరేంద్ర మోదీ స్వయంగా "మన్ కీ బాత్" లో ఈ పంటను రైతులకు సూచించారు.

వ్యవసాయం రోజురోజుకీ కొత్త మార్గాలను కోరుతోంది. నిమ్మగడ్డి లాంటి పంటలు రైతుల సంపదకు మార్గం వేస్తున్నాయి. తక్కువ ఖర్చుతో అధిక ఆదాయం (Low investment farming options), పర్యావరణ అనుకూలత, మార్కెట్ డిమాండ్ లాంటి అన్ని లక్షణాలతో ఈ పంట రైతులకు భవిష్యత్తులో కొత్త వెలుగు నింపనుంది. “నిమ్మగడ్డి పండిద్దాం – ఆదాయాన్ని పెంచుద్దాం” అనే నినాదం ఇప్పుడు గ్రామాల్లో మారుమోగుతోంది.

Read More:

ఎండాకాలం ఈ పుట్టగొడుగులతో 15 రోజుల్లో 4 రెట్లు ఆదాయం!!

వరంగల్ చపాటా మిర్చికి GI ట్యాగ్: తెలంగాణకు మరో గౌరవం!