ప్రస్తుతం దేశంలో కందిపప్పు ధర ఆకాశాన్ని అంటుతోంది. దాదాపు ప్రతి రాష్ట్రంలో ఈ కందిపప్పు ధరలు భారీగా పెరిగిపోయాయి. ఒకానొక సమయంలో దేశంలోని కందిపప్పు ధర రూ.200 వరకు ఎగబాకింది. ప్రస్తుతం వివిధ రాష్ట్రాల్లో ఈ కందిపప్పు ధరలు రూ.110 నుంచి రూ.140 వరకు పలుకుతున్నాయి. అలాటిది మన ఆంధ్రప్రదేశ్ రాష్ట్రంలో కందిపప్పు కేవలం రూ.65లకే పేదలకు అందజేస్తుంది ఆంధ్రప్రదేశ్ ప్రభుత్వం.
అయితే ఆంధ్రప్రదేశ్ (ఏపీ)లో పేద ప్రజల అవసరాలను తీర్చేందుకు ప్రభుత్వం కేవలం రూ.65 మాత్రమే కందిపప్పుని అందించాలని నిర్ణయించింది. ఏపీలోని పౌరసరఫరాల మంత్రిత్వ శాఖ ప్రతి నెలా 14542 టన్నుల కందిపప్పును గణనీయమైన స్థాయిలో పంపిణీ చేసేందుకు అవసరమైన ఏర్పాట్లు చేసింది.
ప్రస్తుతం, ఆంధ్రప్రదేశ్ లో 1.45 కోట్ల రేషన్ కార్డులు ఉన్నాయి. ఇంటిగ్రేటెడ్ చైల్డ్ డెవలప్‌మెంట్ సర్వీసెస్ (ICDS) పథకం కింద, సుమారు 1097 టన్నుల పప్పుధాన్యాలు వినియోగిస్తారు. సగటున నెలకు రేషన్ దుకాణాల ద్వారా కేవలం 6 వేల నుంచి 6500 టన్నుల మాత్రమే విక్రయాలు జరుగుతున్నాయి. ప్రస్తుతం ఏపీలోని వివిధ మండలాల్లోని నిల్వ కేంద్రాల్లో మొత్తం 1771 టన్నుల కందిపప్పు అందుబాటులో ఉంది.
ఇది కూడా చదవండి..
రైతులు సాయిల్ హెల్త్ కార్డ్ సహాయంతో మంచి దిగుబడి పొందొచ్చు, ఇలా దరఖాస్తు చేసుకోండి
పౌరసరఫరాల శాఖ ఇటీవల అదనంగా 25 వేల టన్నుల పప్పు స్టాక్‌ను కొనుగోలు చేయడానికి టెండర్ ప్రక్రియను ముగించి, దాని పంపిణీకి అవసరమైన అధికారాన్ని మంజూరు చేసింది. ఫలితంగా, పంపిణీకి అందుబాటులో ఉన్న పప్పుల స్టాక్ మొత్తం ఇప్పుడు గణనీయంగా 20770 టన్నులకు చేరుకుంది. ఆంధ్రప్రదేశ్‌లోని పౌరసరఫరాల మంత్రిత్వ శాఖ మూడు నెలల పాటు పప్పుల సరఫరా నిరంతరాయంగా కొనసాగుతుందని హామీ ఇచ్చింది.
ఇది కూడా చదవండి..
Share your comments