గిరిజన రైతుల ఆర్గానిక్ ఉత్పత్తులకు అంతర్జాతీయ మార్కెట్‌! మరింత అభివృద్ధికి ఇండస్ట్రియల్ పార్కులు!!

అనకాపల్లి: గిరిజన రైతులు సాగు చేస్తున్న ఆర్గానిక్‌ ఉత్పత్తులకు దేశవ్యాప్తంగా మంచి డిమాండ్ ఉన్నదని (Organic Produce Market Demand India) ఐటిడిఎ ఇన్‌చార్జి ప్రాజెక్ట్‌ అధికారి, జెసి డాక్టర్‌ ఎంజె అభిషేక్‌ గౌడ్ పేర్కొన్నారు. గురువారం ఐటిడిఎ వీడియో కాన్ఫరెన్స్‌ హాలులో రైతు ఉత్పత్తిదారుల సంఘాలు (FPOలు), పరిశ్రమల శాఖ అధికారులు, ఎంపిడిఒలతో కలిసి గ్రామీణ పరిశ్రమల పార్కు ఏర్పాటుపై ఒక రోజు వ్యవసాయాధారిత వర్క్ షాప్ ను నిర్వహించారు (Andhra Pradesh Rural Industry Promotion).

ఈ సందర్భంగా ఆయన మాట్లాడుతూ, జిల్లాలో జి.మాడుగుల మండలంలోని సోలభం పంచాయతీలో రూరల్ ఇండస్ట్రియల్ పార్క్ (RIP) ఏర్పాటుకు ముందడుగు వేస్తున్నట్లు తెలిపారు (Rural Industrial Park Andhra Pradesh). ఇలాంటి పార్కుల ద్వారా గిరిజన రైతులు ఆర్థికంగా అభివృద్ధి చెందే అవకాశాలు పెరుగుతాయన్నారు.

ఆర్గానిక్ పంటలకు పెరుగుతున్న డిమాండ్ (Organic Farming in Tribal Regions of India)

గిరిజనులు పండిస్తున్న ఆర్గానిక్ కాఫీ, మిరియాలు, పసుపు, అల్లం వంటి పంటలకు దేశీయంగా మరియు అంతర్జాతీయంగా డిమాండ్ ఉన్నదని అభిషేక్‌ గౌడ్‌ వివరించారు. ఈ ఉత్పత్తులను విలువ ఆధారితంగా ప్రాసెసింగ్ చేసి మార్కెట్‌లోకి తీసుకురావాలంటే పరిశ్రమల పార్కులు కీలకంగా నిలుస్తాయని తెలిపారు.

శాటిలైట్ ఆర్గానిక్ ప్రాసెసింగ్ జోన్లు (ITDA Agro Initiatives 2025)

అనకాపల్లి, నర్సీపట్నం ప్రాంతాల్లో శాటిలైట్‌ ఆర్గానిక్ ప్రాసెసింగ్ జోన్ల ఏర్పాటు కోసం జిల్లా కలెక్టర్‌ ఇప్పటికే ప్రణాళికలు సిద్ధం చేస్తున్నారని చెప్పారు. ఈ పరిశ్రమల పార్కుల ఏర్పాటుకు అవసరమైన స్థలాలను గుర్తించడానికి అధికారులతో సమగ్రంగా చర్చలు జరిపామని తెలిపారు.

రుణాలపై చర్చ, ప్రభుత్వ సహకారం(Tribal Organic Farming Support)

వర్క్షాప్‌లో బ్యాంకు రుణాల లభ్యత, పెట్టుబడులపై ప్రభుత్వ శాఖల సహకారం ఎలా పొందాలో రైతులకు వివరించారు. పరిశ్రమల పార్కుల స్థాపన ద్వారా స్థానిక రైతుల ఉత్పత్తులు నేరుగా ప్రాసెసింగ్ యూనిట్లకు చేరి, మధ్యవర్తుల ప్రభావం లేకుండా ధరల పరంగా గిట్టుబాటు సాధ్యమవుతుందని అధికారులు పేర్కొన్నారు.

వర్క్షాప్‌లో పాల్గొన్న ముఖ్యులు

ఈ సమావేశంలో సబ్‌ కలెక్టర్‌ శౌర్యమన్‌ పటేల్‌, జిల్లా పరిశ్రమల అధికారి జి.రవిశంకర్‌, పశు సంవర్థకశాఖ ఉప సంచాలకులు నరసింహులు, ఎల్డీఎం మాతునాయుడు, ఎపిఐఐసి అధికారులు, ఎంపిడిఒలు, రైతు ఉత్పత్తిదారుల సంఘాల ప్రతినిధులు పాల్గొన్నారు.

ఆర్గానిక్ ఉత్పత్తుల ప్రాముఖ్యత, గిరిజన రైతుల ఆర్థిక అభివృద్ధి లక్ష్యంగా (Sustainable Agriculture for Tribal Farmers) పరిశ్రమల పార్కుల ఏర్పాటుకు ప్రభుత్వం శ్రద్ధ చూపుతున్నది. ఇది స్థానిక వ్యవసాయ ఉత్పత్తులకు ఒక కొత్త గమ్యం కావడమే కాకుండా, గ్రామీణ ఆర్థిక వ్యవస్థలో ఒక కొత్త అధ్యాయం ప్రారంభమవుతుందని  పేర్కొనవచ్చు.

Read More:

వ‌ర్టిక‌ల్ వ్యవసాయానికి రూ.2 కోట్లు రుణం: AIF పథకంతో రైతులకు అధునాతన సాగు

వేసవి పంటలకు ఈ-క్రాప్ తప్పనిసరి – రైతులకి హెచ్చరిక