సేంద్రీయ పద్ధతిలో ద్రాక్ష సాగు చేయడానికి అనువైన నేలలు.. వాతావరణ పరిస్థితులు!

సాధారణంగా మార్కెట్లో అత్యధిక డిమాండ్ ఉన్న ఉద్యానవన పంటలలో ద్రాక్ష ఒకటి. ప్రస్తుత కాలంలో రైతులు ద్రాక్షను ఎంతో విరివిగా సాగు చేస్తున్నారు. ఈ క్రమంలోనే సేంద్రియ పద్ధతులతో ద్రాక్ష సాగు చేయడానికి ఏ విధమైనటువంటి నెలలు.. వాతావరణ పరిస్థితులు అనుకూలం.. ద్రాక్ష సాగులోని రకాలు వంటి విషయాలను గురించి ఇక్కడ తెలుసుకుందాం...

ద్రాక్ష సాగు విస్తృతమైన వివిధ రకాల సాగును అందిస్తుంది. అయితే ఈ ద్రాక్షను వాటిని పెంచే విధానం, రంగు, రుచి, విత్తనాల ఆధారంగా వర్గీకరించవచ్చు ఈ క్రమంలోనే ఏరకమైన ద్రాక్ష దేని తయారీ కోసం ఉపయోగిస్తారు అనే విషయాలను కూడా ఇక్కడ తెలుసుకుందాం.

సాధారణంగా ద్రాక్షను ఎక్కువగా వైన్ తయారీ విధానంలో ఉపయోగిస్తాము. ఈ క్రమంలోనే రెడ్ వైన్ తయారు చేయడానికి మస్కట్ హంబర్గ్, ఫ్రెంచ్ బ్లూ, వంటి రకాలను రెడ్ వైన్ తయారీలో ఉపయోగిస్తారు. చేనిన్ బ్లాంక్, సెమిల్లాన్ వంటి రకాలు వైట్ వైన్ తయారీలో ఉపయోగిస్తారు. ఈ విధంగా వివిధ రకాల ద్రాక్షలను సాగు చేయడానికి ఎలాంటి నేలలు అనుకూలం అనే విషయానికి వస్తే.. నేల పీహెచ్ స్థాయిలు 5 -5.7 మధ్య ఉండే నేలలు ఈ ద్రాక్ష సాగుకు ఎంతో అనుకూలం. సేంద్రియ పదార్థాలు సమృద్ధిగా ఉన్న నీటిపారుదల, లోతైన లోవామ్ నేలలు ద్రాక్ష సాగుకు ఎంతగానో ఉపయోగపడతాయి. ఈ విధమైనటువంటి నేలలో సాగుచేసే ద్రాక్ష అధిక దిగుబడి ఇస్తుంది.