గులాబీలో సస్యరక్షణ

పూలల్లో చాలామంది ఎక్కువగా ఇష్టపడేది వాటి అందమైన రూపాన్ని.. ఆ తర్వాత వాటి ఆహ్లాదకరమైన వాసనని. అలా అందమైన రూపం, వాసన రెండూ ఉన్న పూలలో ఎక్కువ మంది ఇష్టపడేవి గులాబీ పూలు.

అందుకే వీటికి డిమాండ్ చాలా ఎక్కువగా ఉంటుంది. చాలామంది రైతులు గులాబీలను తోటల్లో వేసి పెంచడం చేస్తుంటారు. సాధారణంగా గులాబీ మొక్క నాలుగు నుంచి ఆరు అంగుళాల ఎత్తు పెరుగుతుంది. గులాబీ కాండంలో ముళ్లు కూడా ఉంటాయి. దక్షిణాదిలో ఈ పూలను ఎక్కువగా చలి కాలంలో పండిస్తారు. ఈ మొక్కల ఆకులు కూడా ముళ్లు ఎక్కువగానే ఉంటాయి. కాండంతో పాటు ఆకులు కూడా ముళ్లుగా ఉన్నా పూలు మాత్రం అందంగా ఉండడం వీటి ప్రత్యేకత. గులాబీ పంటలో ఎండాకాలం సమయంలో చాలా కేర్ తీసుకోవాల్సి ఉంటుంది. దీనికి సంబంధించి ఉత్తర్ ప్రదేశ్ రైతులు చాలా సక్సెస్ ఫుల్ పద్ధతులు వాడుతూ మంచి లాభాలు పొందుతున్నారు. వారు పాటించే పద్ధతుల్లో కొన్ని..

చలి కాలం నుంచి వసంతం లోకి అడుగుపెట్టిన తర్వాత ఈ మొక్క వేగంగా పెరుగుతుంది. ఇలాంటప్పుడు మంచి జాగ్రత్తలు తీసుకోవాల్సి ఉంటుంది. రోజూ నీళ్లు అందించాలి. చుట్టూ ఉన్న అనవసరమైన మొక్కలన్నింటినీ తొలగించుకోవాలి. వాతావరణం వల్ల ఎన్నో రకాల సమస్యలు ఎదురవుతాయి. దీనికోసం గులాబీ మొక్కల్లో పురుగు మందులు జల్లాల్సి ఉంటుంది. గులాబీ పంటలో ఎక్కువగా కొండి పురుగు, పేను వంటివి ఎక్కువగా కనిపిస్తుంటాయి. ఇలాంటప్పుడు తప్పనిసరిగా మందులు వాడాలి. ఇవి ఎక్కువగా ఎండాకాలంలో ఎదురవుతాయి. వీటి నుంచి జాగ్రత్త వహించాల్సి ఉంటుంది.

పురుగుల నుంచి ఇలా కాపాడుకోండి..

తోటలో ఎలాంటి చెత్తా చెదారం లేకుండా జాగ్రత్తగా చూసుకోవాలి.

పురుగు పట్టిన కొమ్మలు, ఆకులు కట్ చేసి తీసేసి దూరంగా పడేయాలి.

రెండు గ్రాముల డైమిథోయేట్ ని లీటర్ నీటిలో కలిపి ప్రతి పదిహేను రోజులకోసారి చిలకరించాల్సి ఉంటుంది.

పది నుంచి పదిహేను గ్రాముల ఫోరేట్ ని ప్రతి మొక్క మొదట్లో నీటిలో కలిపి పోయాల్సి ఉంటుంది.

ప్రూనింగ్ చేయండి.