రైతులకు కేంద్ర ప్రభుత్వం శుభవార్త తెలిపింది. ప్రధానమంత్రి కిసాన్ సమ్మాన్ నిధి పథకం 8వ విడత డబ్బులను మార్చిలో రైతుల ఖాతాల్లో జమ చేయనుంది. ఈ పథకం కింద రైతులకు ప్రతి ఏడాది రూ.6 వేల చొప్పున కేంద్ర ప్రభుత్వం ఆర్థిక సహాయం చేస్తున్న విషయం తెలిసిందే. రూ.2 వేల చొప్పున మూడు విడతలుగా ఈ నగదును రైతుల ఖాతాల్లో నేరుగా కేంద్ర ప్రభుత్వం జమ చేస్తోంది.
ఈ పథకానికి అర్హులై ఇప్పటికీ దరఖాస్తు చేసుకోని రైతులు.. వెంటనే ఈ పథకానికి అప్లై చేసుకోండి. దరఖాస్తు ప్రక్రియ ఇంకా కొనసాగుతూనే ఉంది. ఎమ్మార్వో ఆఫీసులోని పీఎం కిసాన్ సెంటర్ అధికారిని సంప్రదించి దరఖాస్తు చేసుకోవచ్చు. ఇక ఆన్‌లైన్‌లో కూడా దరఖాస్తు చేసుకోవచ్చు. ఆన్‌లైన్‌లో దరఖాస్తు చేసుకునేందుకు పీఎం కిసాన్ వెబ్‌సైట్‌ను సందర్శించండి.
ఆ వెబ్‌సైట్‌లో కనిపించే new farmer registration మీద క్లిక్ చేయండి. ఆ తర్వాత బ్యాంక్ అకౌంట్, పొలం పాస్‌బుక్, ఆధార్ కార్డు వివరాలు ఎంటర్ చేయాల్సి ఉంటుంది. మీ వివరాలను అధికారులు తనిఖీ చేసి లబ్ధిదారుల జాబితాలో చేరుస్తారు. మీ అప్లికేషన్ స్టేటస్‌ను మీరు ఎప్పటికప్పుడు ఆన్‌లైన్‌లో తెలుసుకోవచ్చు.
Share your comments