మహాత్మాగాంధీ జాతీయ గ్రామీణ ఉపాధి హామీ పథకంలో అవకతవకలు.. 5 కోట్ల జాబ్ కార్డులు రద్దు

ప్రధాన మంత్రి కిసాన్ సమ్మాన్ నిధి యోజనతో పాటు, ఎక్కువగా అవకతవకలు ఎదుర్కొంటున్న మరో ప్రభుత్వ పథకం మహాత్మా గాంధీ జాతీయ గ్రామీణ ఉపాధి హామీ చట్టం (MNREGA). దేశంలోని చాలా మంది ప్రజలు ఈ పథకానికి నకిలీ జాబికార్డులను తయారు చేసుకుని ఈ పథకం ప్రయోజనాలను పొందుతున్నారు. అయితే ప్రస్తుతం అలాంటివారిపై ప్రభుత్వం కఠిన చర్యలు తీసుకుంటుంది. ఈ నేపథ్యంలో కేంద్ర ప్రభుత్వం కీలక నిర్ణయం తీసుకుని, ఈ ఎంఎన్‌ఆర్‌ఈజీఏ పథకానికి చెందిన 5 కోట్లకు పైగా జాబ్ కార్డులను రద్దు చేసింది.

మునుపటి సంవత్సరాలతో పోల్చితే నకిలీ MNREGA జాబ్ కార్డ్‌ల సంఖ్య గణనీయంగా పెరిగాయని ప్రభుత్వం తెలిపింది. నివేదికల ప్రకారం, గత ఆర్థిక సంవత్సరం 2021-22తో పోలిస్తే 2022-23 ఆర్థిక సంవత్సరంలో మోసపూరిత జాబ్ కార్డ్‌లను కలిగి ఉన్న వ్యక్తుల సంఖ్య 247 శాతం పెరిగింది. దీంతో ప్రభుత్వంపై అనవసరంగా ఆర్థిక భారం పెరిగిపోయింది. దీంతో కేంద్ర ప్రభుత్వం దాదాపు 5 కోట్లకు పైగా జాబ్ కార్డులను రద్దు చేయాల్సి వచ్చింది.

ఇటీవలి ప్రకటనలో, కేంద్ర మంత్రి గిరిరాజ్ సింగ్ MNREGA పథకంలో ఎక్కువగా జరుగుతున్న అక్రమాలను ప్రస్తావించారు. ఈ నకిలీ జాబ్ కార్డులను ఎక్కువ మంది ప్రజలు తయారు చేసుకున్నారు. మరొకవైపు ఈ పథకంలో చేరిన చాలా మంది లబ్ధిదారులు కుఆ మృతి చెందారు. 2022-23 ఆర్థిక సంవత్సరంలో ఈ పథకంలోని నకిలీ జాబ్ కార్డ్ హోల్డర్‌లతో పాటు చనిపోయిన లబ్ధిదారుల పేర్లతో మొత్తం 5,1891168 జాబ్ కార్డులను లబ్ధిదారుల లిస్ట్ నుండి తొలగించారు. గత సంవత్సరంలో ఈ సంఖ్య అనేది 1,4951247గా ఉంది. ప్రధానంగా పశ్చిమ బెంగాల్, ఆంధ్రప్రదేశ్ మరియు తెలంగాణ రాష్ట్రాల్లో ఈ జాబ్ కార్డులు చాలా వరకు రద్దు చేయబడ్డాయి.

ఇది కూడా చదవండి..

తెలంగాణ ప్రభుత్వ ఉద్యోగులకు త్వరలోనే శుభవార్త చెప్పనున్న ప్రభుత్వం..

ఆంధ్రప్రదేశ్‌లో 2021-22 ఆర్థిక సంవత్సరంలో, ఈ రాష్ట్రంలో మొత్తం 625,514 జాబ్ కార్డ్‌లు పథకం జాబితా నుండి తొలగించబడ్డాయి. కానీ ఈ ఏడాది దాని సంఖ్య 7805569కి పెరిగింది. అంటే 2022-23 ఆర్థిక సంవత్సరంలో ఆంధ్రప్రదేశ్‌లో 7805569 జాబ్‌ కార్డులు రద్దు చేయబడ్డాయి. మరొకవైపు అదేవిధంగా 2021-22 ఆర్థిక సంవత్సరంలో తెలంగాణలో 61278 జాబ్ కార్డులు రద్దు చేయగా, 2022-23లో వాటి సంఖ్య 17,32,936కి పెరిగింది.

సంపన్న రాష్ట్రమైన గుజరాత్‌లో కూడా మోసపూరిత కార్డుల ఉనికి చాలా ఎక్కువైంది. 2021-22 సంవత్సరంలో, మొత్తం 1,43,202 జాబ్ కార్డులు రద్దు చేయబడ్డాయి, అయితే 2022-23 ఆర్థిక సంవత్సరంలో ఈ సంఖ్య 4,30,404కి పెరిగింది.

ఇది కూడా చదవండి..

తెలంగాణ ప్రభుత్వ ఉద్యోగులకు త్వరలోనే శుభవార్త చెప్పనున్న ప్రభుత్వం..