ఈజీ మనీ- అంటే కష్టం లేకుండా డబ్బులు సంపాదించడం. ఈ ధోరణకు అలవాటు పడి కొందరు అక్రమ మార్గాల వైపు మగ్గు చూపుతున్నారు. అలాంటి ఒక వ్యక్తి చేస్తున్న పని తాజాగా వెలుగులోకి వచ్చింది
గుజరాత్‌లోని పంచమహల్ జిల్లా షెహ్రా తాలూకా బోరియా గ్రామంలో మొక్కజొన్న సాగు చేస్తున్న ఓ వ్యక్తిని పోలీసులు అరెస్టు చేశారు.తీరా తెలిసింది ఏంటంటే .. గ్రామంలో నివాసం ఉంటున్న రిటైర్డ్ బస్ కండక్టర్ శంకర్ మావ్జీభాయ్ దోడియార్ , తన ఇంటి సమీపంలో ఉన్న పొలంలో మొక్కజొన్న సాగు చేస్తున్నాడు. అది బయట అందర్నీ మభ్యపెట్టడానికే.అతను లోపల సీక్రెట్‌ గా సాగు చేసేది పక్కా నాటు గంజాయి. ఈ సమాచారం స్పెషల్ ఆపరేషన్ గ్రూప్ అధికారులకు అందింది. దీంతో అకస్మాత్తుగా ఆ పొలంలో దాడులు చేశారు.
పొలంలో సాగు చేసిన దాదాపు 33 పచ్చి గంజాయి మొక్కల్ని అధికారులు స్వాధీనం చేసుకున్నారు. ఆ గంజాయి బరువు 54.72 కిలోలు ఉన్నట్లు అధికారులు తెలిపారు. స్వాధీనం చేసుకున్న సరుకు విలువ రూ.5.47 లక్షలు ఉంటుందని తెలిపారు. నిందితుడిపై కేసు నమోదు చేసి.. రిమాండ్‌కు తరలించారు.
ఇది కూడా చదవండి
Share your comments