తూర్పు ఆసియా దేశాల నుంచి ఆవిర్భవించిన మేఘాలు ప్రస్తుతం తెలుగు రాష్ట్రాల్లో భారీగా కమ్ముకుంటున్నాయి. అదే సమయంలో, బంగాళాఖాతంలో భారీ అల్పపీడన వ్యవస్థ అభివృద్ధి చెందుతుందని భారత వాతావరణ శాఖ నివేదించింది. రెండు తెలుగు రాష్ట్రాల్లో మూడు రోజుల పాటు యెల్లో అలెర్ట్ ని ప్రకటించింది.
ముఖ్యంగా హైదరాబాద్, దక్షిణ తెలంగాణ, రాయలసీమ, కోస్తా, ఉత్తరాంధ్రకు వర్ష సూచన కనిపిస్తోంది. ఐతే చాలా ప్రాంతాల్లో వాతావరణం మేఘావృతమై మాత్రమే ఉంటుంది. భారీ వర్షాలు కురిసే అవకాశాలు పగటివేళ కనిపించట్లేదు. నేటి సాయంత్రానికి రాయలసీమ, కోస్తా, దక్షిణ తెలంగాణ , హైదరాబాద్‌లో ఓ మోస్తరు వర్షాలు పడే అవకాశాలు కనిపిస్తున్నాయి. ప్రస్తుతం తూర్పు ఆసియా, ఆగ్నేయ ఆసియా దేశాల నుంచి వస్తున్న బలమైన గాలులు మేఘాలను వెంట తెస్తున్నాయి. అందువల్ల ఈ రోజంతా తెలుగు రాష్ట్రాల్లో వాతావరణం మేఘావృతమై ఉండేలా కనిపిస్తోంది.
రానున్న మూడు రోజుల్లో రాష్ట్రంలో తేలికపాటి నుంచి మోస్తరు వర్షాలు కురిసే అవకాశం ఉందని వాతావరణ కేంద్రం అధికారులు అంచనా వేస్తున్నారు. ముందుజాగ్రత్త చర్యగా, వ్యక్తులందరూ జాగ్రత్తగా ఉండాలని గట్టిగా సూచించారు. ముఖ్యంగా హైదరాబాద్ వాసులు ఈ వాతావరణ సూచన నేపథ్యంలో మరింత అప్రమత్తంగా ఉండాలని కోరారు. వాతావరణ శాఖ హెచ్చరికలతో జీహెచ్ ఎంసీ అప్రమత్తమైంది. నగరంలో వర్షాల వల్ల నష్టం జరగకుండా రంగంలోకి దిగి ముందస్తు చర్యలు చేపడుతోంది.
ఇది కూడా చదవండి..
విద్యార్థులకు గుడ్ న్యూస్.! రేపే వారి ఖాతాల్లో జగనన్న విద్యాదీవెన నిధులు జమ
ప్రస్తుతం, భారతదేశంలోని ఈశాన్య ప్రాంతాలలో గణనీయమైన వర్షపాతం నమోదవుతోంది. అదనంగా, చైనా, వియత్నాం, మలేషియా మరియు ఫిలిప్పీన్స్ వంటి దేశాల్లో భారీ వర్షాలు కురుస్తున్నాయి. ముఖ్యంగా, అత్యంత శక్తివంతమైన టైఫూన్ ఒకటి ప్రస్తుతం ఫిలిప్పీన్స్ సమీపంలో ఉంది. మన తెలుగు రాష్ట్రాల్లో దీని ప్రభావం అంతగా ఉండకపోయినప్పటికీ, ఇది గాలి తీవ్రతను పెంపొందించడానికి ఇప్పటికీ దోహదం చేస్తుంది.
రాష్ట్రంలోని పలు జిల్లాల్లో ఆదివారం భారీ వర్షాలు పడ్డాయి. భద్రాద్రి కొత్తగూడెం జిల్లా దుమ్ముగూడెంలో 120.4 మిల్లీమీటర్ల వర్షపాతం నమోదైంది.
ఇది కూడా చదవండి..
Share your comments