ఈ నెల 28వ తేదీ నుంచి సరసమైన ధరకే రూ.500 గ్యాస్ సిలిండర్లను అందించడం ద్వారా మహాలక్ష్మి పథకం కింద ఇచ్చిన హామీని నెరవేర్చేందుకు తెలంగాణ ప్రభుత్వం చురుగ్గా అడుగులు వేస్తోంది. కాంగ్రెస్ పార్టీ ఎన్నికల వాగ్దానానికి అనుగుణంగా ఈ కార్యక్రమాన్ని ఆవిర్భావ దినోత్సవం సందర్భంగా ప్రారంభించనున్నారు. ఈ పథకాన్ని సజావుగా అమలు చేసేందుకు పౌరసరఫరాల శాఖ అధికారులు అవసరమైన విధివిధానాలు, ప్రోటోకాల్‌లపై శ్రద్ధగా పనిచేస్తున్నారు.
రాష్ట్రంలో ఏ గ్యాస్ వినియోగదారులు ఈ పథకానికి అర్హులు అనే దానిపై ఇంకా నిర్ణయం జరుగుతూనే ఉంది. ఈ పథకాన్ని అమలు చేయడం వల్ల రాష్ట్ర ఖజానాపై ఆర్థిక ప్రభావాన్ని ప్రభుత్వం ప్రస్తుతం విశ్లేషిస్తోంది. అధికార గణాంకాల ప్రకారం.. తెలంగాణలో 1.20 కోట్ల గ్యాస్ కనెక్షన్లు ఉన్నాయి. నెల నెలా 60 లక్షల సిలిండర్లు సరఫరా అవుతున్నాయి.
రాష్ట్రంలోని గ్యాస్ వినియోగదారులందరికీ సబ్సిడీలు మంజూరు చేస్తే ఖజానాపై దాదాపు రూ.3 వేల కోట్ల భారం పడనుందని అంచనా. అయితే, రాష్ట్రంలో మహిళల పేరుతో ఉన్న కనెక్షన్లు సుమారుగా 70 లక్షలు ఉన్నాయి. ఈ నేపథ్యంలో మహిళల పేరుతో ఉన్న కనెక్షన్లకే సబ్సిడీ ఇవ్వాలని ప్రభుత్వం నిర్ణయించే అవకాశం ఉంది.
ఇది కూడా చదవండీ..
పట్టాదార్ పాస్ పుస్తకాలపై ఆంధ్రప్రదేశ్ ప్రభుత్వం కీలక ఆదేశాలు.. అదేమిటంటే?
అయితే, గ్యాస్ కనెక్షన్ కు సంబంధించి 'నేమ్ ఛేంజ్' ఆప్షన్ ఉండడంతో మిగతా వినియోగదారులు పేరు మార్చుకునే సౌలభ్యం ఉంది. ఈ క్రమంలోనే గ్యాస్ సబ్సిడీకి సంబంధించి గైడ్ లైన్స్ రూపొందించేందుకు అధికారులు కసరత్తు చేస్తున్నారు. ఈ పథకం ద్వారా ఏడాదికి మూడు సిలిండర్లను సబ్సిడీ ధరకే అందజేస్తారు.
ఇది కూడా చదవండీ..
Share your comments