తెలంగాణాలో గొల్ల -కుర్మా సోదరుల జీవన ఉపాధిని ప్రోత్సహించడానికి ప్రభుత్వం గొర్రె ల పంపిణి పథకాన్ని ప్రారంభించింది అయితే 2017 లో మొదటి విడత లో భాగంగా 3,665,000 గొర్రెలను పంపిణి చేసింది , ఇప్పటికి ఈ పథకం క్రింద ప్రయోజనం పొందని రైతులు రెండో విడత కోసం ఎదురు చూస్తున్నారు .
నల్లగొండ జిల్లాలో రెండో విడత కింద 37,078 మంది దరఖాస్తు చేశారు. దీంట్లో 4,800 మం ది లబ్ధిదారులకు మునుగోడు ఉప ఎన్నికల సమయంలో గొర్రెలు పంపిణీ చేశారు.మిగిలిన 32,278 మంది లబ్ధిదారులకు గొర్రెలు పంపిణి చేయవలసి ఉంది . రెండో విడత కింద అప్లై చేసుకున్న లబ్ధిదారులను క్షేత్ర స్థాయిలో విచారించేందుకు సోమవారం నుంచి పశుసంవర్ధక శాఖ ఆఫీసర్లు గ్రామాల్లో పర్యటించనున్నారు.
రెండో విడత గొర్రెల పంపిణి, ధరఖాస్తుల స్వీకరణ పై అవగాహన!
2017-18లో పథకం ప్రారంభం నాటి గైడ్లైన్స్నే ఇప్పుడు పాటిస్తూ ఈ నెల 15 నుంచి గొర్రెల కొనుగోళ్ల కార్యక్రమాన్ని మొదలు పెట్టాలని అధికారులను నిర్ణయించారు. ఇందులో భాగంగా నేటి నుంచి అన్ని గ్రామాల్లో వెటర్నరీ ఆఫీసర్లు ఇంటింటికీ తిరిగి లబ్ధిదారుల వివరాలు సేకరించనున్నారు. దరఖాస్తుదారుల్లో ఎందరు ఎవరైనా చనిపోతే నామినీ వివరాలు, ఆధార్కార్డు, బ్యాంకు అకౌంట్లు సేకరిస్తారు. లబ్ధిదారుడు వాటా కింద చెల్లించాల్సిన రూ.43,750 డీడీ కట్టిస్తారు. ఈ మొత్తం ప్రక్రియ పూర్తి య్యాక లబ్ధిదారుల వివరాలను ఆన్లైన్లో ఎంటర్ చేస్తారు.
ఈ పథకం మొదటి విడత జూన్ 20, 2017 లో ప్రారంభమై, సుమారు 3,665,000 గొర్రెలను పంపిణి చేయడం జరిగింది .ఈ పథకానికి రిజిస్టర్ చేసుకోడానికి లబ్ధిదారుడు తెలంగాణ స్థానికుడు అయ్యుండాలి . కుర్మా లేదా యాదవ వర్గానికి చెంది ఉండి , 18 సంవత్సరాలకు పైబడి ఉండాలి.
Share your comments