ప్రజల్లో తన ఆదరణ పెంచుకోవాలనే తపనతో ఆంధ్రప్రదేశ్ ముఖ్యమంత్రి జగన్మోహన్ రెడ్డి కొత్త పథకాలను అమలు చేయడమే కాకుండా ఇప్పటికే ప్రవేశపెట్టిన పథకాలను మరింత పెంచేందుకు వ్యూహరచన చేస్తున్నారు. ఇటీవలి కాలంలో సచివాలయాల పరిధిలో వివిధ అవసరాలను తీర్చేందుకు అనేక రకాల సేవలు అందుబాటులోకి తెచ్చారు.
భూములు అమ్మినా, కొనుగోలు చేసినా రిజిస్ట్రేషన్ల కొరకు రిజిస్ట్రేషన్ కార్యాలయాల వద్ద ఎక్కువసేపు వేచి ఉండాల్సిన అవసరం లేదని ఆంధ్రప్రదేశ్ ముఖ్యమంత్రి జగన్‌మోహన్‌రెడ్డి తెలిపారు. కేవలం 20 నిమిషాలలో రిజిస్ట్రేషన్ అయిపోతుందని ఏపీ సీఎం జగన్మోహన్ రెడ్డి తెలుపుతున్నారు. ఏపీ రిజిస్ట్రేషన్ కోసం కొత్త ఆన్లైన్ విధానాన్ని కూడా ప్రవేశపెట్టడం జరిగిందని తెలుపుతున్నారు.
మరోవైపు, మొత్తం ప్రక్రియ ఆన్లైన్ లోనే నిర్వహిస్తారంటా, దీనితో మధ్యవర్తుల అవసరాన్ని తొలగిస్తుంది. ఈ ప్రక్రియను ఆన్లైన్ చేయడం ద్వారా డాక్యుమెంటల్ రైటర్స్ తమ జీవనోపాధి దెబ్బతింటుందని నిరసన వ్యక్తం చేస్తున్నారు. అయితే, అనేక దశాబ్దాలుగా అమలులో ఉన్న దీర్ఘకాలిక రిజిస్ట్రేషన్ ప్రక్రియను నిర్మూలించే మార్గంగా ఈ వినూత్న విధానాన్ని ఆన్లైన్లో అమలు చేసినట్లు కనిపిస్తోంది. రిజిస్ట్రేషన్ శాఖలో CARD 1.0 స్థానంలో CARD 2.0 తీసుకురావడం జరుగుతోందట. ఈ కొత్త విధానం రిజిస్ట్రేషన్ ప్రక్రియను గణనీయంగా సులభతరం చేస్తుందని ఆంధ్రప్రదేశ్ ముఖ్యమంత్రి హామీ ఇచ్చారు.
ఇది కూడా చదవండి..
PM కిసాన్ సమ్మాన్ నిధి యోజన యొక్క 15వ విడత నిధులు జమ అయ్యేది అప్పుడే? పూర్తి వివరాలకు చదవండి
20 నిమిషాల వ్యవధిలో రిజిస్ట్రేషన్ ప్రక్రియను సమర్ధవంతంగా పూర్తి చేయాలని అధికారులు భావిస్తున్నారు. అంతేకాకుండా, ప్రజలు నేరుగా ఆన్లైన్లో దరఖాస్తు చేసుకున్న తరువాత రిజిస్ట్రేషన్ చేసుకునేలా ఈ కొత్త విధానాన్ని సైతం రూపొందిస్తున్నారు. వినియోగదారులు సైతం తమ వివరాలను నేరుగా నమోదు చేసుకొని ఫీజులు చెల్లించవచ్చట.నిమిషాలలోనే దస్తా వీధులు కూడా ఇవ్వడం జరుగుతుందట.
మొన్నటి వరకు కృష్ణా, ఎన్టీఆర్‌ జిల్లాల్లో ఈ ప్రత్యేక విధానాన్ని అమలు చేయడం ప్రారంభించినట్లు సమాచారం. అంతేకాకుండా, రిజిస్ట్రేషన్ పత్రం ఇప్పుడు ఆధార్ సిస్టమ్‌కు సంక్లిష్టంగా అనుసంధానించబడిందని, తద్వారా సరైన వ్యక్తి లేకుండా ఎటువంటి రిజిస్ట్రేషన్ పూర్తి చేయబడదని నిర్ధారిస్తుంది అని అధికారులు స్పష్టంగా పేర్కొన్నారు.
ఇది కూడా చదవండి..
Share your comments