మీరు యూట్యూబ్‌లో వీడియోస్ చూస్తున్నప్పుడు మధ్యలో యాడ్స్ వచ్చి చిరాకు తెప్పిస్తున్నాయా. చాలా మంది ప్రజలు ఈ యాడ్స్ ని స్కిప్ చేయలేమని అనుకుంటారు. కానీ అలా ఏమి లేదు, మనం వీడియోస్ చూస్తున్నాడు వచ్చే ఈ ప్రకటనలను రాకుండా కూడా చేయవచ్చు. ఇది ఎలా చేయాలనే విషయం మాత్రం చాలామందికి తెలియదు. ప్రస్తుతం ఈ వ్యాసంలో యూట్యూబ్ సంస్థ యాడ్స్ ఎందుకు ఇస్తుంది, వాటి వాళ్ళ కలిగే ప్రయోజనాలతో పాటు ఈ యాడ్స్ ని మనం ఎలా స్కిప్ చేయచ్చు అనేది తెలుసుకుందాం.
యూట్యూబ్ సంస్థకు మనం యూట్యూబ్ లో వీడియోలను వీక్షించినప్పుడు వచ్చే ప్రకటనలను చూసినప్పుడు, ఆ ప్రకటనల నుండి వారికి ఆదాయం లభిస్తుంది. అందుకే ఈ యూట్యూబ్ సంస్థ యాడ్స్ ని ఇస్తుంది. వచ్చే ఆదాయంలో 60% ఛానెల్ యజమానికి వెళుతుంది, మిగిలిన 40% యూట్యూబ్ యాజమాన్యానికి వెళుతుంది. ఈ డబ్బుల కోసమని యూట్యూబ్ వివిధ రకాల యాడ్స్ ను ప్లే చేస్తూ ఉంటుంది.
గతంలో యూట్యూబ్‌లో చాలా తక్కువ ప్రకటనలు వచ్చేవి, అయితే ఇటీవలి కాలంలో ఇది మారిపోయింది. ఈ రోజుల్లో, ముఖ్యంగా వీడియో ప్రారంభానికి ముందు మరిన్ని ప్రకటనలు ప్లే చేయబడుతున్నాయి. ఈ ట్రెండ్‌ను వినియోగదారులు సానుకూలంగా స్వీకరించలేదు, వారు వీడియోను చూడాలనుకుంటే ముందుగా రెండు మూడు ప్రకటనలను భరించవలసి వచ్చినందుకు తమ నిరాశను వ్యక్తం చేస్తున్నారు.
ఇది కూడా చదవండి..
విద్యార్థులకు అలెర్ట్: మే 10 నుండి ఏపీ మోడల్ స్కూల్ దరఖాస్తులు.. పూర్తి వివరాలు ఇవే
ఒక్కో వీడియో కోసం యూజర్లు నాలుగైదు యాడ్‌లతో కూర్చోవాల్సి రావడం సర్వసాధారణమైపోయిందని, దీని వల్ల చికాకు, అసంతృప్తి కలుగుతున్నాయి అని వినియోగదారులు చెబుతున్నారు. యూట్యూబ్‌లో యాడ్స్ రాకూడదు అనుకుంటే గనుక వారు చూపించే ఏకైక పరిష్కారం యూట్యూబ్ ప్రీమియం. ఈ యూట్యూబ్ ప్రీమియం పొందాలి అనుకుంటే వినియోగదారుడు ప్రతి నెల రూ. 129 చెల్లించాల్సి ఉంటుంది. ఇలా చేయడం వల్ల మీకు ఎలాంటి ప్రకటనలు యూట్యూబ్‌లో రావు. అయితే, ప్రతి ఒక్కరూ ఈ సేవ కోసం అంత మొత్తం డబ్బులను చెల్లించలేరు.
యూట్యూబ్‌లో ప్రకటనలు రాకుండా ఆపడానికి అనేక పద్ధతులు ఉన్నాయి, అవన్నీ ఉచితంగా అందుబాటులో ఉన్నాయి. ఆండ్రాయిడ్ స్మార్ట్‌ఫోన్‌ల కోసం ప్లే స్టోర్‌లో కనిపించే నిర్దిష్ట బ్రౌజర్‌లను ఉపయోగించడం అటువంటి పరిష్కారాలలో ఒకటి, ఇది ప్రకటనల నుండి ఎటువంటి అంతరాయాలు లేకుండా యూట్యూబ్ కంటెంట్‌ను చూడటానికి వీక్షకులను అనుమతిస్తుంది.
ప్రకటనలు లేకుండా యూట్యూబ్ చూడటానికి, మీరు గూగుల్ ప్లే స్టోర్ నుండి యాడ్ బ్లోకర్ బ్రౌజర్: యాడ్ బ్లోక్ & ప్రైవేట్ బ్రౌజర్‌ని ఉచితంగా డౌన్‌లోడ్ చేసుకోవచ్చు. మీరు ఈ థర్డ్-పార్టీ అప్లికేషన్‌ని ఇన్‌స్టాల్ చేసిన తర్వాత, మీరు యూట్యూబ్‌లో యాడ్-రహిత అనుభవాన్ని ఆస్వాదించవచ్చు. యాడ్ బ్లోకర్ బ్రౌజర్ దాని ప్లాట్‌ఫారమ్‌లోని అన్ని ప్రకటనలను బ్లాక్ చేసే బ్రౌజర్‌గా పనిచేస్తుంది.
ఇది కూడా చదవండి..
Share your comments