Magazines

Subscribe to our print & digital magazines now

Subscribe

We're social. Connect with us on:

Government Schemes

గుడ్ న్యూస్.. రైతుల బ్యాంకు ఖాతాల్లోకి రైతుబంధు డబ్బులు!

KJ Staff
KJ Staff
Rythu Bandhu
Rythu Bandhu

రాష్ట్రంలో వ్యవసాయ ఉత్పాదకతను పెంచేందుకు ప్రభుత్వం అనేక రకాల చర్యలు తీసుకుంటోంది.  ఈ క్రమంలోనే  రైతులకు అండగ నిలువడంతో పాటు రైతుల ఆదాయాన్ని పెంచడానికి పెట్టుబడి అనేది అత్యంత ముఖ్యమైనదని పేర్కొంటూ రైతుల కోసం పలు పథకాలను తీసుకువచ్చింది. అందులో ఒకటి రైతు బంధు పథకం. ఈ పథకం ద్వారా సాగు ప్రారంభ పెట్టుబడిని ప్రభుత్వం రైతులకు అందిస్తోంది.

రైతు బంధు పథకానికి సంబంధించి తెలంగాణ ప్రభుత్వం రైతులకు తాజాగా శుభవార్తను అందించింది. రైతు బంధు పథకం కింద అందే పెట్టుబడి సాయాన్ని ఈ నెలలో అందిస్తామని తెలిపింది. జూన్ 15 (మంగళవారం) నుంచి ఈ 25 తేదీలలోపు రైతుల ఖాతాల్లో రైతు బంధు సాయాన్ని ఇస్తామని తెలిపింది. ఈ సంవత్సరం రైతు బంధు పథక లబ్దిదారులు 63.25 లక్షల మంది ఉన్నారని రాష్ట్ర వ్యవసాయ శాఖ మంత్రి నిరంజన్ రెడ్డి తెలిపారు.  ఈ రైతులందరికీ రైతు బంధు పథకం కింద నేరుగా వారి బ్యాంకు ఖాతాలలో ఐదు వేల రూపాయల చొప్పున జమ చేస్తామని వెల్లడించారు. అర్హుల జాబితాను ఇదివరకే సీసీఎల్‌ఏకు అందించినట్టు పేర్కొన్నారు.

ఈ ఏడాది కొత్తగా 2.81 లక్షల మంది రైతులను రైతు బంధు పథకంలో చేర్చామని చెప్పారు. రైతులకు పెట్టుబడి సాయం అందించడానికి 7508.78 కోట్ల రూపాయలను కేటాయించినట్టు తెలిపారు. కొత్తగా ఈ పథకం ప్రయోజనాలు పొందుతున్న రైతులు స్థానిక వ్యవసాయ అధికారులకు భూమి సంబంధిత వివరాలు, రైతు ఖాతాల వివరాలు, ఆధార్ కార్డు జిరాక్స్ కాఫీలను అందజేయాలని వివరించారు. అలాగే, ఇది వరకే రైతు బంధు పథకం ప్రయోజనాలు పొందుతున్న రైతులు బ్యాంకు ఖాతాల వివరాలు మార్చుకోవాలనుకుంటే కొత్తగా సంబంధిత పత్రాలను స్థానిక వ్యవసాయ అధికారులకు అందించాలని ప్రభుత్వం పేర్కొంది.

Share your comments

Subscribe Magazine
MRF Farm Tyres