తెలంగాణ ప్రభుత్వం భూమి రికార్డులను డిజిటలైసెషన్ చేస్తూ ధరణి అనే పోర్టల్ తీసుకువచ్చింది . అయితే డిజిటలైసెషన్ చేసే క్రమంలో అనేక తప్పులు దొర్లడం తో రైతులు అనేక సమస్యలను ఎదుర్కొంటున్నారు . భూ యజమాని హక్కునుంచి మొదలుకొని నిషేదిత జాబితా వరకు రైతులకు అన్ని సమస్యలే , అదేక్రమంలో ధరణి వెబ్‌సైట్‌కు సంబంధించి సమస్యలపై పిటీషన్ దాఖలైనది దీనికి సంబందించిన విచారణ చేపట్టిన ప్రభుత్వం ప్రభుత్వం నుంచి వివరణ కోరుతూ కౌంటర్లు దాఖలు చేయాలని తెలంగాణ హైకోర్టు మంగళవారం రాష్ట్ర ప్రభుత్వానికి నోటీసులు జారీ చేసింది. న్యాయవాది రాపోలు భాస్కర్‌ ఈ పిల్‌ దాఖలు చేశారు.
ప్రధాన కార్యదర్శి, రెవెన్యూ, అటవీ శాఖ ప్రిన్సిపల్‌ సెక్రటరీలు, భూపరిపాలన ప్రధాన కమిషనర్‌ (సీసీఎల్‌ఏ), మహబూబాబాద్ జిల్లా కలెక్టర్‌కు నోటీసులు జారీ చేస్తూ హైకోర్టు చీఫ్‌ జస్టిస్‌ ఉజ్జల్‌ భ్యువాన్‌, జస్టిస్‌ సీవీ భాస్కర్‌ రెడ్డిలతో కూడిన డివిజన్‌ బెంచ్‌ ఆదేశాలు జారీ చేసింది. మరో ముగ్గురు రెవెన్యూ అధికారులు.
మహబూబాబాద్ జిల్లా కేసముద్రం మండలం నారాయణపురం గ్రామంలోని అమాయక రైతుల పట్టా భూములను అటవీశాఖ పేరిట నమోదు చేసుకున్న వాటిని సరిచేయాలని పిటిషనర్ సంబంధిత అధికారులను కోరారు. తెలంగాణలో ధరణి వెబ్‌సైట్, ఆ తర్వాత పోర్టల్‌ను ప్రవేశపెట్టడం వల్లే రెవెన్యూ అధికారులు ఎనిమిది లక్షల ఎకరాల పట్టా భూములను పోర్టల్‌లో తప్పుగా అప్‌లోడ్ చేశారని ఆయన వాదించారు.
దీంతో లక్షలాది మంది రైతులు తమ స్వంత భూముల్లో లావాదేవీలు నిర్వహించలేక నిస్సహాయంగా మారారని అన్నారు. దీంతో బాధిత రైతులు రెవెన్యూ అధికారులను ఆశ్రయించగా ఆన్‌లైన్‌లో దరఖాస్తులు చేసుకోగా.. సవరణలు చేసి ఈ-పాస్‌బుక్‌ల మంజూరుకు అధికారులు ఒక్కో రైతు నుంచి లక్షల రూపాయలు డిమాండ్ చేస్తున్నారు.
ధరణి పోర్టల్ ను రద్దు చేయాలి... కాంగ్రెస్ పార్టీ డిమాండ్ !
ఎమ్మెల్యేలు, ఎంపీలు, రియల్‌ ఎస్టేట్‌ డెవలపర్లు తదితర ప్రజాప్రతినిధులతో కుమ్మక్కైన రెవెన్యూ అధికారులు నిషేధిత భూముల ముసుగులో భూములను ప్లాట్లుగా మార్చి మోసం చేస్తున్నారని రాపోలు భాస్కర్‌ తెలిపారు.
ధరణి పోర్టల్‌లో 3,84,000 ఎకరాల వరకు భూములను అటవీ భూములుగా అప్‌లోడ్ చేశారని, ధరణి పోర్టల్‌లో నమోదుల సవరణల కోసం రైతుల ఫిర్యాదులను పరిష్కరించేందుకు రెవెన్యూ అధికారులు స్టాంప్ డ్యూటీగా కోట్లను అక్రమంగా వసూలు చేశారని పిటిషనర్ పేర్కొన్నారు.
Share your comments