ఖాదీ అండ్ విలేజ్ ఇండస్ట్రీస్ కమిషన్(KVIC) యంగ్ ప్రొఫెషనల్స్ పోస్టుల భర్తీకి దరఖాస్తులను ఆహ్వానిస్తోంది. 10 మంది యువ నిపుణులను భర్తీ చేయడానికి కమిషన్ నోటిఫికేషన్ విడుదల చేసింది.
ఏదైనా సబ్జెక్టులో గ్రాడ్యుయేషన్ పూర్తి చేసిన అభ్యర్థులు ఈ పోస్టుకు దరఖాస్తు చేసుకోవచ్చు. అభ్యర్థులు దరఖాస్తును ఆన్‌లైన్‌లో సమర్పించవచ్చు . ఈ దరఖాస్తులను సమర్పించడానికి చివరి తేదీ జూలై 30గా నోటిఫికేషన్ లో పేర్కొన్నారు. దీనికి సంబంధించి పూర్తి వివరాలు ఇలా ఉన్నాయి. ఈ పోస్టులను కాంట్రాక్ట్ ప్రాతిపదికన నియమించాలని కమిషన్ నిర్ణయించింది. ఇది ఒక సంవత్సరం కాంట్రాక్ట్ వరకు ఉంటుంది. అభ్యర్థి పనితీరు ఆధారంగా ఈ పదవిని మూడేళ్లపాటు పొడిగిస్తారు. తర్వాత పొడగింపు అనేది కంపెనీ నిర్ణయంపై ఆధారపడి ఉంటుంది.
విద్యా అర్హత: నోటిఫికేషన్ ప్రకారం అభ్యర్థి ఏదైనా గుర్తింపు పొందిన బోర్డు లేదా విశ్వవిద్యాలయాల నుండి పోస్ట్ గ్రాడ్యుయేషన్ పూర్తి చేసి ఉండాలి.
వయో పరిమితి: ఖాదీ మరియు విలేజ్ ఇండస్ట్రీస్ కమిషన్ రిక్రూట్‌మెంట్ నోటిఫికేషన్ ప్రకారం.. అభ్యర్థి గరిష్ట వయస్సు 27 సంవత్సరాల కంటే తక్కువ ఉండాలి.
దరఖాస్తు ప్రక్రియ: ఆన్‌లైన్ ద్వారా
దరఖాస్తు ఫీజు : ఎలాంటి ఫీజు చెల్లించాల్సిన అవసరం లేదు.
సమాచారం -ఉద్యోగ వివరణ
సంస్థ -సంస్థ ఖాదీ అండ్ గ్రామ పరిశ్రమల కమిషన్ (KVIC)
పోస్టు -యువ నిపుణులు(Young Professionals)
పోస్టుల సంఖ్య -10
పని చేసే ప్రదేశం -కేరళ - తమిళనాడు -కర్ణాటక - తెలంగాణ
అర్హత -పోస్ట్ గ్రాడ్యుయేట్
జీతం -నెలకు రూ.25వేల నుంచి రూ.30 వేలు
ఎంపిక ప్రక్రియ: డాక్యుమెంట్ స్క్రూటినీ అండ్ పర్సనల్ ఇంటర్వ్యూ
భూమి, చంద్రుడు మరియు అంగారక గ్రహాన్ని కనెక్ట్ చేస్తే రైల్వే లైన్
ఆన్‌లైన్‌లో దరఖాస్తు చేయడానికి ప్రారంభ తేదీ: 13 జూలై 2022
ఆన్‌లైన్‌లో దరఖాస్తు చేయడానికి చివరి తేదీ: 30 జూలై 2022
అధికారిక నోటిఫికేషన్ PDF కొరకు ఇక్కడ క్లిక్ చేయండి. మరిన్ని పూర్తి వివరాలకు అధికారిక వెబ్‌సైట్ kvic.gov.inను సందర్శించవచ్చు.
దరఖాస్తు విధానం ఇలా..
Step 1 : రిక్రూట్‌మెంట్ నోటిఫికేషన్‌ను క్షుణ్ణంగా చదివి.. అభ్యర్థి అర్హత ప్రమాణాలను ఉన్నయో లేవో సరి చూసుకోవాలి.
Step 2 : అప్లికేషన్ ఫాంలో సరైన ఇమెయిల్ ID అండ్ మొబైల్ నంబర్‌ను ఇవ్వాలి. దాంతో పాటు.. ఐడీ ప్రూఫ్, వయస్సు, విద్యార్హత, పాస్ ఫొటో, రెజ్యూమ్, అనుభవం ఉంటే దానికి సంబంధించి సర్టిఫికేట్లు సిద్ధంగా ఉంచుకోవాలి.
Step 3 : ఈ లింక్ పై క్లిక్ చేసి దరఖాస్తులో సూచించిన విధంగా వివరాలను నమోదు చేయాలి.
Step 4 : మొత్తం సమాచారాన్ని పూర్తి చేసిన తర్వాత.. అందించిన వివరాలు సరైనవో కాదో చూసుకొని ఫైనల్ గా సబ్మిట్ బటన్ క్లిక్ చేయండి. తర్వాత అప్లకేషన్ ను ప్రింట్ అవుట్ తీసుకోండి.
Share your comments