ఇటీవలి హైకోర్టు సంచలన తీర్పు ఇచ్చింది. అదేమిటంటే జనన ధ్రువీకరణ పత్రం తీసుకోవడానికి కులం, మతం ప్రస్తావన అవసరం లేకుండా పొందే హక్కు ప్రజలకు ఉంది అని హైకోర్టు తెలిపింది. అలాంటి వారి కోసం దరఖాస్తులో కులరహితం, మతరహితం అనే ప్రత్యేక కాలమ్‌ను ప్రవేశపెట్టేందుకు చర్యలు చేపట్టాలని రాష్ట్ర ప్రభుత్వాన్ని ఆదేశిస్తూ హైకోర్టు న్యాయమూర్తి జస్టిస్‌ కన్నెగంటి లలిత బుధవారం చారిత్రక తీర్పు వెలువరించారు.
కులం మరియు మతంతో తమ అనుబంధాలను స్వచ్ఛందంగా విడిచిపెట్టే స్వాభావిక హక్కు ప్రతి ఒక్కరికీ ఉందని, ఈ హక్కును ఎవరూ అడ్డుకోవడానికి లేదని తీర్మానం చేశారు. ఈ నిర్ణయాన్ని అమలు చేయడానికి, కుల, మతాలు లేకుండా జనన ధృవీకరణ పత్రాల దరఖాస్తులను స్వీకరించడానికి వీలు కల్పించే చర్యలు తీసుకోవాలని మున్సిపల్ మరియు విద్యా శాఖల ముఖ్య కార్యదర్శులతో పాటు మున్సిపల్ కమిషనర్లకు ఆదేశాలు హైకోర్టు జారీ చేసింది.
ఇది కూడా చదవండి..
ఇక నుండి వారికి కూడా ఆసరా పెన్షన్.. సీఎం కేసీఆర్ కీలక నిర్ణయం..
2019లో హైదరాబాద్‌లో నివాసం ఉంటున్న సందెపాగు రూప, డేవిడ్‌ అనే దంపతులు హైకోర్టును ఆశ్రయించారు. తమ పిల్లల జనన ధృవీకరణ పత్రం కోసం తమ దరఖాస్తును అంగీకరించడానికి నిరాకరించిన మున్సిపల్ కమిషనర్ నిర్ణయాన్ని వారు సవాలు చేశారు. దరఖాస్తులో కులం, మతం ప్రస్తావన లేకపోవడమే ఈ తిరస్కరణ వెనుక కారణం.
హైకోర్టు, ఈ విషయాన్ని ప్రస్తావిస్తూ, భారత రాజ్యాంగంలోని ఆర్టికల్ 25ని ప్రస్తావించింది, పౌరులకు నచ్చిన మతాన్ని విశ్వసించే స్వేచ్ఛ ఉన్నట్టుగానే తమకు నమ్మకం లేని మతాన్ని వదులుకునే హకు కూడా ఉన్నదని హైకోర్టు ఈ సందర్భంగా గుర్తుచేసింది.
ఇది కూడా చదవండి..
Share your comments