ఆంధ్రప్రదేశ్ రాష్ట్ర విపత్తు నిర్వహణ సంస్థ, ఉపరితల ఆవర్తనం అనేది తమిళనాడు తిరంని ఆనుకొని నైరుతి బంగాళాఖాతంపై కొనసాగుతుందని తెలిపింది. వాతావరణంలో కొనసాగుతున్న ఈ పరిస్థితుల వల్ల రాష్ట్రంలో వరుసగా మూడు రోజుల పాటు భారీ వర్షాలు కురిసే అవకాశం ఉందని తెలిపింది. దీని కారణంగా రాష్ట్రంలోని ప్రజలు తగిన జాగ్రత్తలు తీసుకోవాలని వాతావరణ శాఖ సూచించింది.
రాష్ట్రంలో ఉరుములు, మెరుపులతో కూడిన భారీ వర్షాలు పడే అవకాశం ఉందని వాతావరణ శాఖ తెలిపింది. పర్యవసానంగా, రైతులు, పొలం కూలీలు, పశువులు మరియు గొర్రెల కాపరులు వంటి వ్యక్తులు ఈ సమయంలో చెట్ల కింద ఆశ్రయం పొందడం మానుకోవాలని సలహా ఇచ్చారు.
రానున్న మూడు రోజుల నిర్దిష్ట వాతావరణ పరిస్థితులను పరిశీలిస్తే, ఇవాళ పార్వతీపురం మన్యం, శ్రీకాకుళం, విశాఖపట్నం, విజయనగరం, అనకాపల్లి, కాకినాడ, అల్లూరి సీతారామరాజు, కోనసీమ, తూర్పుగోదావరి, ఏలూరు, పశ్చిమగోదావరి, తదితర జిల్లాల్లో ఎన్టీఆర్, గుంటూరు, పల్నాడు, శ్రీ సత్యసాయి ప్రాంతాల్లో ఓ మోస్తరు నుంచి భారీ వర్షాలు కురుస్తాయని తెలిపింది. మరోవైపు మిగిలిన జిల్లాల్లో తేలికపాటి వర్షాలు కురుస్తాయని అంచనా వేసింది.
ఇది కూడా చదవండి..
ఒక్కసారిగా టమాటో ధర ఎందుకు పెరిగింది ? ధరలు తగ్గేదెన్నడు ?
రేపు విజయనగరం, పార్వతీపురం మన్యం, అనకాపల్లి, విశాఖపట్నం, కాకినాడ, అల్లూరి సీతారామరాజు, కోనసీమ, తూర్పుగోదావరి, ఎన్టీఆర్, గుంటూరు, పల్నాడు, శ్రీ సత్యసాయి, చిత్తూరు జిల్లాల్లో అక్కడక్కడ తేలికపాటి నుంచి మోస్తరు వర్షాలు పడే అవకాశం ఉంది. మిగిలిన జిల్లాల్లో తేలికపాటి జల్లులు పడే అవకాశం ఉందంటున్నారు.
మరోవైపు ఈ నెల 13వ తేదీన పార్వతీపురం మన్యం, శ్రీకాకుళం, అల్లూరి సీతారామ రాజు, విజయనగరం, తూర్పుగోదావరి, కాకినాడ, చిత్తూరు, అన్నమయ్య జిల్లాల్లో అక్కడక్కడ తేలికపాటి నుంచి మోస్తరు వర్షాలు పడే అవకాశం ఉందని లెల్లడించారు విపత్తుల నిర్వహణ సంస్థ మేనేజింగ్‌ డైరెక్టర్‌ డాక్టర్‌ బీఆర్‌ అంబేద్కర్‌.
ఇది కూడా చదవండి..
Share your comments