టమాటా,మిరప మరియు తీగజాతి కూరగాయల సాగులో చేపట్టాల్సిన సమగ్ర సస్య రక్షణ చర్యలు.

కూరగాయల సాగు నిర్వహించడం మిగితా పంటలతో పరిగణిస్తే చాల సులభం, వీటి సాగుతో సన్న,చిన్నకారు రైతులు తక్కువ ఖర్చు,శ్రమతో మరియు తక్కువ సమయంలో చాలా ఎక్కువ లాభాలను ఆర్జించవచ్చు. ప్రస్తుతం మన రెండు తెలుగు రాష్ట్రాలలో ఎక్కువగా టమాటా ,మిరప ,బెండకాయ,వంకాయ,చిక్కుడు,గోరుచిక్కుడు,దోసకాయ,కాలీఫ్లవర్ మరియు క్యాబేజీలను సాగు చేస్తున్నారు. వీటితో పాటు వివిధ రకాల ఆకుకూరలను కూడా పండిస్తున్నారు.

క్రింద వివరించిన సూచనలతో ఖర్చును తగ్గించి అధిక లాభాలను గడించవచ్చు.

టమాట తోటలో సమగ్ర సస్య రక్షణ:

*టమాటలో ఆకు మాడు తెగులు ఆకు ఎండు తెగల ఉధృతి ఎక్కువగా ఉంటుంది వీటి నివారణకై అజాక్సిస్ట్రోబిన్ ఒక గ్రాము ఒక లీటర్ నీటికి కలిపి పిచికారీ చేయాలి.
*రసం పీల్చే పురుగుల నివారణకై 2 మీ.లీ పిప్రోనిల్ ని ఒక లీటర్ నీటికి కలుపుకొని పిచికారీ చేయాలి
*టమాటా తోటలో బంతిపూల మొక్కలను అక్కడక్కడ పెంచినట్లయితే శనగపచ్చ పురుగుకి ఇది ఎరగా మారుతుంది.

మిరపలో సమగ్ర సస్య రక్షణ:
*నారు వేసే ముందు మిరపలో ఇమిడాక్లోఫ్రిడ్ తో విత్తన శుద్ధి చేసినట్లయతే రసం పీల్చే పురుగులను నియంత్రించవచ్చు.జిగురు కార్డులను వినియోగించడం ద్వారా కూడా వీటిని అదుపులో పెట్టవచ్చు
*బూడిద తెగులు నివారణకు 2 మీ.లీ ల డైనోకాప్,కాయతొలుచు పురుగు నివారణకు 1 గ్రాము థయోడియోకార్ప్ ని ఒక లీటర్ నీటికి కలిపి పిచికారి చేయాలి
*ఎర్రనల్లి నివారణకు 1.5 మీ.లీ ల స్పైరోమెసిఫిన్, తామర పురుగుల నివారణకు 0.3 మీ.లీ ల ఇమిడాక్లోప్రిడ్ ని ఒక లీటర్ నీటికి కలుపుకొని పిచికారీ చేయాలి

తీగజాతి కూరగాయలలో సమగ్ర సస్య రక్షణ:
*తీగ జాతి కూరగాయల ప్రారంభ దశలో పెంకు పురుగుల దాడి ఎక్కువగా ఉంటుంది దీని నివారణకై 2 మీ.లీ ల క్వినాల్ ఫాస్ ని ఒక లీటర్ నీటికి కలిపి పిచికారీ చేయాలి.
*రసం పీల్చే పురుగుల నివారణకు 5 మీ.లీ ల వేప నూనెని ఒక లీటర్ నీటికి కలిపి పిచికారీ చేయడం వల్ల నియంత్రించవచ్చు
*పంటలో అక్కడక్కడ లింగాకర్షక బుట్టలను ఏర్పాటు చేసుకున్నట్లు అయితే పండు ఈగలను దారి మళ్లించవచ్చు
*నత్రజని ఎరువులని మోతాదుకు మించి వాడరాదు లేనియెడల పురుగుల తాకిడి ఎక్కువగా ఉంటుంది.
*ముఖ్యం గా తీగజాతి కూరగాయల్లో గంధకానికి సంబందించిన మందులను వాడరాదు.

ఇంకా చూడండి

భూసార పరీక్ష అమలు పరచండి ఇలా